Një rast i rëndë ka ndodhur sot në afërsi të Gjykatës në Pejë, ku një person ka shtënë me armë zjarri, duke lënë të plagosur rëndë dy persona.
Sinjali mësoi se i dyshuari është Mahmut Hoxhaj, rreth 45 vjeçar, të cilit Policia ia ka konfiskuar dy revole.
Tutje, Sinjali mësoi se të plagosurit janë Alferd Uka dhe Bastri Gashi.
Uka ka plagë të rënda dhe pas përkeqësimit të gjendjes, nga spitali rajonal në Pejë, është dërguar për në QKUK në Prishtinë, kurse Gashi, i sapo i liruari nga masa e paraburgimit dhe i dënuar me katër vite burgim për ndihmë të kryrjes së veprës penale të lëndimit të lehtë trupor ishte në sallë të operacionit.
Për të kuptuar më shumë rreth gjendjes së Ukës, Sinjali ka kontaktuar me drejtorin e Emergjencës në Prishtinë, Naser Syla, i cili tha se gjendja e tij është stabile, por në rrezik për jetë
“Gjendja është stabile, por përnjëherë janë plagë të rënda – rrezik për jetë. Gjendja për momentin është plotësisht stabile, e kemi në kontroll.”
