Ish-themeluesi i Ushtrisë Çlirimtare të Kosovës dhe njëri nga politikanët më me peshë në historinë e vendit, z. Xhavit Haliti, ka kryesuar sot një delegacion të Partisë Demokratike të Kosovës në Pejë për të bërë homazhe pranë përmendores së dëshmorëve në fshatin Loxhë.
Homazhet u bënë me rastin e përvjetorit të betejës heroike të UÇK-së kundër forcave pushtuese serbe, një betejë që ka zënë vend të veçantë në historinë e luftës për çlirim.
Krahas Halitit, në këtë nderim solemn morën pjesë edhe bashkëpunëtorë të tij të afërt, zyrtarë lokalë të PDK-së dhe , të cilët me përulësi e respekt vendosën kurora lulesh dhe rikujtuan sakrificën sublime të bijve më të mirë të kombit.
“Lavdi përjetë dëshmorëve të Loxhës dhe gjithë atyre që ranë për lirinë që sot e gëzojmë. Kjo tokë është e larë me gjak, dhe ne nuk duhet ta harrojmë kurrë këtë çmim,” u shpreh z. Haliti gjatë homazheve, për Telegramin Sot.
Homazhet u kryen me një atmosferë të thellë emocionale dhe frymë përkujtimi, duke e rikujtuar edhe njëherë rëndësinë e ruajtjes së memories historike dhe respektit për luftën e lavdishme të UÇK-së.
