Nasuf Bejta zë një ulëse në kuvend, pas dorëheqjes së Vasfije Krasniqit
Ish-kandidati për President të Kosovës, Nasuf Bejta, pritet ta zë një ulëse në Kuvendin e Kosovës, në vend të Vasfije Krasniqit e cila sot njoftoi se ka dhënë dorëheqje nga pozita e deputetes.
Kështu bëhet e ditur, sipas një liste të cilën e ka parë klankosova.tv, e në të cilën figuron emri i Bejtës, si deputet potencial pas kësaj situate ku Vetëvendosjes iu largua një anëtare e grupit parlamentar.
Vasfije Krasniqi bëri të ditur më parë se për dorëheqjen e saj e ka njoftuar edhe kryeparlamentarin Glauk Konjufca.
Vendimi i saj për ta dorëzuar mandatin, siç tha ajo, vie si pasojë e gjendjes jo të mirë shëndetësore me të cilën po përballet.
