Kryetari i Aleancës për Ardhmërinë e Kosovës (AAK), Ramush Haradinaj ka filluar të përgatitet edhe fizikisht për fushatën zgjedhore, pas dorëheqjes së tij nga posti i kryeministrit.
Pasi kjo javë ishte shumë e frytshme për partinë e tij, ku hapi dyert për një numër të madh njerëzish të rinj, Haradinaj ia mësyu bjeshkëve të Kosovës, për të fituar edhe kondicion.
Nga Parku Kombëtar i Valbonës nëpër shtigjet malore të Kosovës, Shqipërisë dhe Malit të Zi, Haradinaj ka realizuar një ekspeditë së bashku me alpinisten, Arineta Mula nëpër Alpet Shqiptare për katër ditë rresht, shkruan Gazeta Insajderi.
Mula ka bërë të ditur se ecja kishte filluar me 6 gusht nga parku kombëtar Valbona dhe ka përfunduar më 9 gusht ku kanë përfunduam ecjen në Gropë të Erenikut.
“Një rrugëtim katër ditor nëpër Bjeshkët e Nemuna “Alpet Shqiptare” shtigje malore që kalojnë përmes territorit të Kosovës, Shqiperisë dhe Malit të Zi. Kësaj radhe vlerën e këtyre shtigjeve malore ja shtoj Ramush Haradinaj ku bashk me gjithë ekipin me sukses arritën që përgjatë këtyre ditëve të ecin gjithsejt 80km duke u ngjitur poashtu në majat më të njohura me terren të vështirë e të thepisur e me temperatura të larta duke kaluar gjithsej 5600m total të ngjitjeve”, ka shkruar Mula.
Java që kaloi ishte shumë e frytshme për Haradinajn pasi që në partisë së tij ju shtuan një numër i madh anëtarësh. Në mesin e këtyre kishte edhe njerëz të PDK-së dhe Nismës Socialdemokrate.
AAK, kishte njoftuar gjatë kësaj jave se ka depërtuar edhe në bastionin kryesor të Partisë Demokratike të Kosovës (PDK), në Drenicë, duke marrë asamblistin më të votuar të kësaj partie, Naim Bazajn, shkruan Gazeta Insajderi.
Kryeministri në largim Ramush Haradinaj, njëherëshit edhe lider i AAK-së, kishte njoftuar se ka qëndruar në familjen e Bazajt duke bërë të ditur se Bazajn rrugëtimin e tij politik do ta vazhdojë në AKK, shkruan Insajderi.
Haradinaj në një postim në llogarinë e tij në Facebook, ka shkruar se përveç Bazajt, AAK-së i janë bashkuar edhe disa anëtarë të tjerë.
