Ish-kryeministri Ramush Haradinaj ka reaguar pas prezantimit të masave të reja nga Ministria e Shëndetësisë në përpjekje për parandalimin e përhapjes së koronavirusit.
Nëpërmjet një shkrimi në Facebook, kryetari i AAK’së thotë se qeveri në detyrë e udhëhequr nga Albin Kurti po e shkel Kushtetutën duke uzurpuar pushtetin.
Shkrimi i plotë i Haradinajt në Facebook:
Me masat e reja të Ministrisë së Shëndetësisë, në emër të parandalimit të Covid-19 dhe menaxhimit të gjendjes në vend, rendi kushtetues është cënuar rëndë. Qeveria e Kosovës, me këtë vendim anti-kushtetues, ka uzurpuar pushtetin.
Duke e injoruar vendimin e Gjykatës Kushtetuese, Qeveria ka cënuar rëndë liritë dhe të drejtat e njeriut. Veprimet anti-kushtetuese, me gjithë gjendjen e krijuar nga pandemia, nuk mund të tolerohen. Kosova është Republikë parlamentare dhe kushtetuese dhe çdo ndërhyrje ose uzurpim pushteti është i dënueshëm.RH
