Gazetari Florent Zeqaj, ka reaguar me një shkrim emocionues pas arrestimit të kriminelit malazez nga prokuroria e shtetit të Kosovës. Zeqaj ka shkruar se gjaku nuk është ujë dhe ka publikuar emrat e viktimave të vrarë në Ozdrim nga krimineli Milorad Dokoviiq (Mici) nga fshati Vitomiricë i Pejës.
Ky është postimi i tij i plotë
Ky është mësuesi qe e nisi luftën me Serbinë në fshatin Ozdrim të Pejës
Gjaku nuk është ujë?
Më në fund pas 23 vitesh pak lehtesim shpirtërore pasi Prokuroria Speciale ka njoftuar sot për arrestimin e kriminelit, shtetasit malazez Milorad Dokoviq (Mici) nga fshati Vitomiricë i Pejës, i dyshuar për “Krime të luftës kundër popullatës civile në fshatin Ozdrim”.
Në këtë fshat të premten më 7 maj të 1999-es u vranë nga kriminelt serb: Daja, Isa Kraniqi, me gruan e tij Sherinë, daja, Zymer Krasniqin me nënën Rukën, gruan Ajshen dhe vajzën Linda Krasniqi 18 vjeç?
Po atë ditë në fshat u vranë fqinjët e mi: Esat Morina, Ramë Shala me nënën e tij, Arif Shala, vëllezërit Muharrem e Hasan Gashi dhe Agron Gashi.
Ka edhe kriminelë të tjerë që kanë marrë pjesë në këtë krim të rëndë.
I përjetshëm kujtimi për më të dashurit tanë.
