Një skandal i madh ku dyshohet se janë të implikuar disa zyrtarë policorë në stacionin Policorë në Pejë, është zbulura nga ish- drejtori i Idriz Atashi, para disa muajve.
Deklarata e ish- komandantit të Stacionit Policor në Pejë, Idriz Atashi, ka nxjerrë në pah një skandal serioz institucional, duke zbuluar se 186 raste të nivelit lokal, përfshirë ankesa të qytetarëve, masa disiplinore dhe raste penale, nuk janë raportuar dhe trajtuar për vite me radhë.
Sipas komandantit Atashi, këto raste nuk i janë dorëzuar apo deklaruar nga drejtuesit paraprakë të stacionit, por janë zbuluar vetëm pasi ai ka marrë detyrën.
Pas identifikimit, çështjet janë dërguar për trajtim në Inspektoratin Policor të Kosovës, ku aktualisht ndodhen në procedurë.
Idriz Atashi ish- Komandanti i Stacionit Policor në Pejë:
“Duke marrë parasysh se përveç 186 rasteve të nivelit lokal, ankesat e qytetarëve dhe masat disiplinore të pa trajtuara nga stafi komandues i Stacionit Policor Pejë, të cilat po ashtu nuk më janë dorëzuar as deklaruar derisa i kam gjetur vetë dhe si komandant, pasi i kam gjetur, i kam dërguar për trajtim në Inspektoratin Policor të Kosovës, e të cilat janë në procedurë”.
Idriz shton me tej se edhe këto raste penale të gjetura ndërlidhen me mos përgjegjësinë e këtij stafi që ka udhëhequr një kohë të gjatë stacionin.
“Konsideroj të gjitha këto lëshime nuk i kanë raportuar edhe pse besoj që kanë qenë në njohuri ose nuk kanë dashur për arsye që vetëm ata i dinë për të mos kryer detyrat sipas procedurave ligjore dhe rregullave të shërbimit.” kishte deklarur Idriz Atashi, për Kallxo.com, në 2025.
Linku i lajmit:
https://kallxo.com/lajm/skandal-ne-policine-e-pejes-dosjet-mbyllen-ne-sirtaret-e-stacionit/
Ekspertë të sigurisë dhe njohës të ligjit vlerësojnë se mos raportimi i rasteve, ndonëse drejtuesit kanë qenë në dijeni, përbën shkelje të rëndë të detyrës zyrtare, manipulim institucional dhe cenim të besimit publik. Sipas tyre, heshtja brenda institucioneve të zbatimit të ligjit e kthen drejtësinë në një mekanizëm jofunksional.
Telegramisot, merr vesh se drejtori ish- Idriz Atashi, pas këtyre gjetjeve dhe raportimit të tyre në Inspektoratin Policorë, e me pas në Prokurori, menagjemneti policor ja ka ndërruar pozitën nga detyra e Drejtorit të Policisë në Pejë.
Ajo që e bën rastin edhe më shqetësues është fakti se skandali nuk u zbulua nga mekanizmat e brendshëm të kontrollit, por vetëm pas verifikimeve të bëra nga ish- komandanti Atashi .
Kjo ka ngritur dyshime serioze mbi funksionimin e sistemit të mbikëqyrjes dhe përgjegjësisë brenda Policisë së Kosovës në nivel lokal.
Ky rast është zvarritur për një periudhë të gjatë, si pasojë e mosndjekjes së procedurave ligjore dhe hetimore siç e kërkon ligji.
Veprimet institucionale nuk janë përcjellë në mënyrë të rregullt, ndërsa personat e dyshuar për skandalin, në vend që të përballen me përgjegjësi, kanë përfituar avancime në karrierë.
Sipas burimeve të Telegramitsot, dy ish-komandantë të Policisë, të dyshuar për përfshirje në raste të rënda dhe të dyshimta, jo vetëm që nuk janë degraduar, por përkundrazi janë avancuar në pozita më të larta drejtuese — fakt që ngrit dyshime serioze për mbrojtje institucionale dhe dështim të mekanizmave të brendshëm të drejtësisë.
Telegramisot, merr vesh nga burimet e veta se ky rast është duke u trajtuar nga Prokuroria Speciale e Kosovës.
