Kryeministri në detyrë, Ramush Haradinaj, ka rikthesuar edhe një herë që nuk do të ketë ndarje të Kosovës, në rast se e merr sërish Qeverinë, njofton Klan Kosova.
Në bashkëbisedim me qytetarët organizuar nga KDI online, Haradinaj tha se Kosova nuk do të ndahet dhe të mos shpresojë askush në një opsion të tillë.
Kandidati për Kryeministër, foli edhe për taksën duke thënë se kjo nuk do të ndodhë dhe se ka dhënë dorëheqje për të mos e hequr atë.
“Kam pasur mundësi ta heq. Dorëheqjen e kam dhënë për të mos e hequr taksën. Ata që s’kishin mundësi të qëndrojnë, tani po përhapin mjegull. Janë po ata që kanë shkaktuar dobësimin e Kosovës. Kush për marrëveshje të koalicionit është taksa deri në njohje. Nuk mund të bëj koalicion me partinë që nuk kanë qartësi në raport me marrëveshjen finale me Serbinë”.
Haradinaj foli edhe për liberalizimin e vizave, çështje për të cilën tha se do të ndodhë para Krishtlindjeve.
“Vizat po hiqen. Jemi hy në fazën finale, vërtetë jemi në finale. Na është thënë që para Krishtlindjes do të ndodhë”, tha ai, njofton Klan Kosova.
