Ditën e diel në polici janë raportuar dy raste të vdekjes, në Lipjan e Prishtinë.
Policia njofton se të dielën në Lipjan rreth orës 15:45 është gjetur pa shenja jete viktima mashkull kosovar. Vdekjen e viktimës e ka konstatuar ekipi mjekësor në vendin e ngjarjes.
“Me vendim të prokurorit trupi i pajetë i viktimës është dërguar në IML për obduksion”, njofton policia.
Rasti është hapur “hetim mbi vdekjen”.
Edhe në Prishtinë dje rreth orës 05:46 është raportuar se është gjetur pa shenja jete viktima mashkull kosovar.
“Vdekjen e viktimës e ka konstatuar ekipi mjekësor. Me vendim të prokurorit trupi i pajetë është dërguar në IML për obduksion. Rasti është duke u hetuar”, thuhet në raportin 24-orësh të policisë.
