Ngjarjet sot.
Kryeministri në detyrë, Ramush Haradinaj pret në takim anëtarët e Shoqatës së Paraplegjikëve dhe e Paralizës së Fëmijëve të Kosovës, HANDIKOS. (Ndërtesa e Qeverisë, ora 11.00).
Misioni i OSBE-së në Kosovë organizon forum rinor mbi të drejtat e njeriut. (Hotel ‘International’ Prishtinë, ora 11:00-12:30).
Komiteti Olimpik i Kosovës do të hapë Javën Evropiane të Sportit, që mbahet nën përkujdesjen e ministrit në detyrë për Kulturë, Rini dhe Sport, Kujtim Gashi. (Hotel ‘Swiss Diamond’, ora 11:00-16.00).
Promovohet libri “Kosova e rrezikuar nga Serbia e madhe”, i autorit Enver Bytyçi. (Biblioteka Kombëtare Prishtinë, ora 11.00).
Shoqata “Pema Kovrage” në bashkëpunim me Ministrinë e Bujqësisë dhe Kuvendit Komunal të Istogut organizon ditën tradicionale të vjeljes së mollës. (Kovrage – Istog, ora 11:00).
Grupi monitorues i organizatave jo-qeveritare të rajonit të Ferizajt publikon raportin e monitorimit të aktivitetit të prokurimit “Ndërtimi i Sallës së Edukatës Fizike në fshatin Gackë– faza e dytë”. (Hotel “Rubis”, Ferizaj, ora 11.00- 11.30).
Kandidatja e LDK-së për kryeministre, Vjosa Osmani, shpalosë programin për shëndetësi, në Konventën e organizuar nga Lidhja Demokratike e Kosovës. (Hotel ‘Emerald’, ora 15:00).
Shefja e Zyrës së BE-së në Kosovë, Nataliya Apostolova, merr pjesë në Javën e Diplomacisë së Klimës. (Shtëpia e Evropës, rr. UÇK, nr. 90, Prishtinë, ora 17.00).
Kryeministri në detyrë Haradinaj mban tubim me qytetarë. (Sheshi “Shkëlzen Haradinaj” në Pejë, ora 18.00).
Kandidatja e LDK-së për kryeministre, Vjosa Osmani, takohet me struktura dhe qytetarët e Degës II në Prishtinë. (Taukbahqe, ora 18:00).
