Policia e Kosovës, dje raportoi se biznesmeni Driton Shuki, ka blerë një pajisje për ekzaminime shëndetësore, e cila dyshohet të jetë e vjedhur në Shkup të Maqedonisë së Veriut.
“Pas sekuestrimit të pajisjes (e cila arrin vlerën rreth 45.000 euro) dhe përfundimit të procedurave të nevojshme policore, në koordinim me prokurorin e shtetit biznesmeni dhe pronari i Avicenes, Driton Shuki u intervistua.
“Në kuadër të veprimeve operative që po kryen policia me qëllim parandalimin dhe zbulimin e veprave kriminale, dje hetuesit e stacionit policor Qendra, kanë intervistuar një person, i cili dyshohet se ka blerë një pajisje për ekzaminime shëndetësore, e cila dyshohet të jetë e vjedhur, në Shkup të Maqedonisë së Veriut”.
Në lidhje me këtë, për Telegraminsot, ka folur edhe vetë biznesmeni Driton Shuki, që është pronar i laboratorit “Avicena”
“Policia kanë qenë për vizitë teke ne, ka rezultuar se një pajisje që e kemi blerë ne ka qenë e vjedhur. Ia kemi dhënë informatat. Dje ka qenë një keqkuptim në media ku disa media më kanë paraqitur si të arrestuar por më pas kur kanë folur me mua e kanë kuptuar se s’bëhet fjalë për diçka të tillë”, është shprehur Shuki për Telegraminsot.
