Deputeti i PDK-së, Bekim Haxhiu, ka reaguar pas dorëheqjes së ish-ushtrueses së drejtoreshës së ShSKUK-së, Pranvera Zejnullahut.
Haxhiu tha se Zejnullahu është “viktima” e radhës e klaneve dhe grupeve të interesit në shëndetësi.
“Dr. Pranvera do të duhej të dorëhiqej pas skandaleve të njëpasnjëshme në sektorin e shëndetësisë, por ajo duket te jetë “viktima” e radhës së grupeve te interesit të instaluara në shëndetësinë tonë”.
“Dr. Pranvera dha dorëheqje, por Bordi i SHSKUK-së qe keqmenaxhon me miliona euro vazhdon ta ketë mbështetjen e Qeverisë”, ka shkruar Haxhiu, transmeton Klankosova.tv.
Tutje, ai tha se shëndetësia po shkon çdo ditë drejt degradimit, pasi sipas tij, s’ka përmirësim të shërbimeve, s’ka mbështetje për profesionistët shëndetësorë e siç tha, “lëre që mungojnë rezultatet, por as të emëruarit politikë nuk po gjejnë qetësi”.
“Siç po shihet degradimi dhe shkatërrimi i këtij sektori dhe jo vetëm nuk është i rastësishëm”, ka shkruar Haxhiu, përcjell Klankosova.tv.
