Para Qeverisë së Kosovës sot është protestuar duke kërkuar që të lejohet organizimi i dasmeve dhe eventeve tjera.
Emra të njohur të estradës shqiptare kanë protestuar sot para ndërtesës së Qeverisë së Kosovës, kundër anulimit të dasmave dhe ngjarjeve të tjera që lidhen me “industrinë” e dasmave.
Protestës i janë bashkuar edhe pronarë të restoranteve të cilët po ashtu kërkojnë të drejtën e tyre për punë.
Para mediave, këngëtari Afrim Muqiqi ka thënë se përderisa lejohen aktivitetet e tjera pse të mos lejohen edhe dasmat.
Muqiqi ka shprehur pakënaqësi të madhe për mbajtjen e tubimit nga ana e Lëvizjes Vetëvendosje.
“Ne nuk dëshirojmë rrezikimin e jetës së qytetarëve por si tjerët ose të gjithë ose asnjo të kur lejohen tubimet në sheshe me njerëz duhet me me punu edhe na antaret e tjerë, kemi bo një kërkesë në ora 12:00 do merret vendimi’, po ashtu këngëtari tha: ‘ Mundësia e infektimit është shumë e vogël kur i marrim masat ne e kemi planin se si do funksionojmë mundesia me u infektu osht shum ma pak n’restoran se në tubim”, ka deklaruar këngëtari Muqiqi.
Ndër emrat e njohur që po marrin pjesë në protestën ku kërkohet lejimi i organizimit të dasmave dhe ahengjeve janë: Labinot Tahiri, Afrim Muqiqi, Alban Mehmeti, Edona dhe Milot Llalloshi etj
