Kryetari i Lidhjes Demokratike të Kosovës Lumir Abdixhiku, priti sot në takim Raportuesin për Kosovën në Parlamentin Evropian, Riho Terras.
“Gjatë këtij takimi kryetari Abdixhiku dhe Terras folën rreth zhvillimeve të fundit në vend dhe qëndrimeve të Lidhjes Demokratike të Kosovës, karshi këtyre temave”, njofton LDK.
Kryetari Abdixhiku kërkoi nga Terras që Parlamenti Evropian të vazhdojë mbështetjen ndaj Kosovës, si dhe vlerësoi që rrugëtimi drejt Evropës duhet të bëhet vetëm me aleatët tanë ndërkombëtar, thuhet tutje në njoftim.
“Po ashtu kryetari Abdixhiku falënderoi Raportuesin e Kosovës në Parlamentin Evropian Riho Terras për mbështetjen e vazhdueshme dhënë Kosovës”.
