Kryetari i Sindikatës së Pavarur të Sektorit Privat, Jusuf Azemi ka thënë se kanë bërë kërkesë për takim me kryeministrin Albin Kurti, për të folur për pagën minimale.
Jusufi pret që ky takim të ndodhë javën e ardhshme dhe të nënshkruhet vendimit që sipas tij qeveria ua ka premtuar, që paga për punëtorët e sektorit privat të jetë 350 euro.
“Ne zyrtarisht kemi bërë kërkesë për takim. Unë e kuptoj që kryeministri vetëm sa ka ardhur dhe nuk do të jemi prioritet ne po shpresojmë që javën e ardhshme do të ulemi të bisedojmë. Ne gjithherë po thirremi në atë që kryeministri i Kosovës vitin e kaluar ka premtuar që paga e punëtorëve të sektorit privat të jetë 350 euro”.
“Andaj unë e inkurajoj kryeministrin e Kosovës që ndoshta do të jetë një ditë simbolike që kjo pagë të nënshkruhet më datën 1 maj që do të jetë edhe dita e punëtorëve që këtyre punëtorëve t’u japë fuqi dhe vullnet për punën që janë duke bërë”.
Tutje, ai tha se tani punëtorët e sektorit privat po e paguajnë faturën e atyre të cilët po luftojnë për pushtet.
“Pikërisht tash kur filluan edhe rastet të bien shifra nga 1 000 të infektuar të bie në 400 të jep një sinjal se jemi duke shkuar në rrugë të mbarë dhe pikërisht po kjo qeveri e sjelli gjendjen deri tash. Tani ne po e paguajmë faturën e njerëzve të cilët luftojnë për pushtet”, tha Azemi për EO.
