Pas shoqërimit të mbi 20 personave për vrasjen e Edmond Koçit dje në Durrës, policia ka lënë të lirë të shoqëruarit që mund të kishin dijeni për ngjarjen.
Sipas “Report Tv”, të shoqëruar kanë qenë rreth familjarësh, kushërinj, miq, të cilët mësohet se nuk i kanë shërbyer policisë për të zbardhur ekzekutimin mafioz. Ekzekutorët kanë qenë vetëm 3 metra larg viktimës.
Ngjarja e rëndë ndodhi një ditë më parë, ku ‘Mond Çekiçi’ u ekzekutua me breshëri kallashnikovi në lagjen nr.16, Durrës, pranë shtëpisë së prindërve të tij.
Autorët kanë qenë dy, të kamufluar me veshje ushtarake dhe të maskuar me shall e kapuç. Makina e autorëve, një tip “Benz ” i zi kishte bllokuar rrugën në pritjet të arritjes së makinës me të cilën udhëtonte Çekiçi, të cilin e kanë ekzekutuar me breshëri të shtënash, një skenë që ka zgjatur rreth 20-30 sekonda.
