Një tërmet prej 4.7 shkallë të Rihterit ka dridhur sot Jerevanin, kryeqytetin e Armenisë, kurse qytetarët e frikësuar nga lëkundjet e mëdha filluan të dalin me shpejtësi nga ndërtesat, nga frika se ato mund të shemben.
Deri më tani nuk është raportuar për viktima apo për dëmet materiale.
Qendra evropiane për sizmologji, ka njoftuar se epiqendra e tërmetit ka qenë rreth 13 kilometra në jug të Jerevanit.
Sipas mediave lokale, gjësende të ndryshme binin nga raftet e marketeve. Pamjet amatore të filmuara në lokacione të ndryshme tregojnë momentet kaotike.
