Ministria e Shëndetësisë dhe Mbrojtjes Sociale në Shqipëri ka njoftuar se 12 persona kanë humbur jetën si pasojë e COVID-19, shkruan Gazeta Sinjali.
Sipas raportit të së shtunës, janë regjistruar edhe 1152 raste të reja me koronavirus. Ndërkohë, janë shëruar 740 të tjerë.
Sipas njoftimit të ministrisë, aktualisht në 4 spitalet COVID, po trajtohen 512 pacientë, 30 në terapi intensive nga të cilët 17 pacientë janë të intubuar.
