Vrasja e ish-anëtarit të Babastars, Albert Krasniqit, që ndodhi javën e kaluar ka tronditur vendin e më së shumti personat që e njohën nga afër.
Albertin e kanë kujtuar përmes rrjeteve sociale shumë nga figurat e njohura të estradës kosovare ndërsa një të tillë së fundmi e ka bërë edhe këngëtarja Teuta Selimi.
Kjo e fundit, e cila duket se kishte raporte të mira me të ndjerin, ka shprehur ngushëllimet ditën e sotme (e martë) përmes një postimi në llogarinë e saj në Instagram.
“Pusho i qetë Albert shoku im”, ka shkruar ajo.
Alberti u vra të mërkurën në rrugën “Ndue Përlleshi” në Prishtinë, kurse i dyshuari lidhur me rastin është babai i tij, Skender Krasniqi.
