Pas akuzave të shumta, Olsa ka reaguar me tjetër video në YouTube.
Skandali me Beartin e Andin po i kushton shumë Tea Trifonit, e cila ka reaguar përsëri,
Ajo është ‘bombarduar’ me komente pasi deklaroi se është e lidhur me Beartin, ani pse doli si çift me Andin.
Madje, në vazhdën e shumë akuzave, Teas ia mbyllën edhe llogarinë e saj në Instagram, andaj së fundi reagoi ashpër me një video.
Kësaj radhe, Tea akuzon Olsën që të mos shtiret, ngase i dinte të gjitha dhe se manipuloi situatën.
Ajo madje, thotë se Vitin e Ri e ka kaluar në Kosovë me Beartin, kurse produksioni kërkonin të dërgonte foto me Andin.
KY ËSHTË REAGIMI I PLOTË I TEAS:
“Vendosa që të reagoj për Olsën, për ty Olsa. Boll vazhdove me mashtrime e manipulove situatën siç deshe ti siç bën gjithmonë. Boll më zhyte në humnera akoma më tepër seç më ke zhytur. Veç shpirti im e di se çka po heq por s’ka gjë. Ti më duket se e paske kujtesën pak të shkurtër Olsa, por s’ka problem sepse t’i kujtoj unë ca gjëra. Ti i dije të gjitha, unë kam kërkuar që të dal që në dhjetor, por ti mi nxore mua 100 justifikime. Unë dhe Andi kemi kërkuar të dalim si çift të përputhur, të përleshur, sido që të ishte vetëm që të dilnim nga aty sa më shpejt. Por, pse moj Olsa harrove ti që për Vitin e Ri kur kemi folur bashkë, unë kam qenë në Kosovë te Bearti duke festuar me familjen e tij, edhe pas kësaj më keni kërkuar foto që unë duhej t’i bëja me Andin. Foto që s’u bënë kurrë. Edhe unë për këto kam prova, edhe pas kësaj ju përmendni krimin tonë të rëndë është “Giveaway”, bizneset që i bëjmë ne, por në fakt bizneset i bën ti. Ti më ke mbajtur aty mua, jo pse më doje, jo pse më paske dashur, por sepse të interesonin reklamat dhe pjesa jote, sepse bizneset donin që të isha unë dhe Andi me takimet tona, për t’i reklamuar ata, edhe unë personalisht me ta. Edhe ne nuk kemi marrë asnjë kokërr leku nga kjo, asnjë lloj pagese, kemi ardhë aty me shpenzimet tona, me veshjet tona, me transportin tonë, me kohën tonë me gjithçka, edhje ti na akuzon për biznese. Na bëre që të vazhdojmë takimet, ashtu siç e pranuat në emision që na keni shtyrë, na keni detyruar t’i bëjmë ato takime, derisa më në fund ne nuk pranuam dhe më në fund kur nuk bëmë takime, kur nuk pranuam të bëjmë më, na nxorët, edhe ashtu në emisionin e fundit, në ditën e fundit, me komente, se s’kishit ça bëni. Gjithsesi, boll u talle, mos vazhdo të tallesh, tek e fundit edhe ne njerëz jemi.
