Jehona Sefer Gashi, nga fshati Jashanicë, e lindur më 23.5.2002 është vajza që humbi jetën sot nga treni rreth orës 12:45, merr vesh Ballkani.info.
Zëdhënësi i Prokurorisë Themelore në Pejë, Shkodran Nikçi, e ka konfirmuar vdekjen e vajzës.
“Prokurorja kujdetare e Departamentit të Përgjithshëm, ka dal në vend të ngjarjes së bashku me njësitet relevante policore. Si pasojë e goditjes nga treni një person i mitur ka humbur jeten”, ka thënë ai.
Ndryshe sipas zëdhënësit të Policisë për rajonin e Pejës, Driton Rugova, rasti ka ndodhur rredh orës 12:45.
“Rasti ka ndodhur rreth orës 12:45, ku treni ka goditur një të mitur. Për detaje tjera do t’iu informojmë me kohë”, ka thënë Rugova.
