Avokati i njohur Tomë Gashi mbrëmë është xhiruar duke shqelmuar paratë që një lypës kishte para vetes, derisa po kërkonte lëmoshë në sheshin “Nënë Tereza” në Prishtinë.
E pak kohë xhirimi doli në media, Tomë Gashi tha se po kryente punën e inspecionit.
Gashi në Facebook ka thënë se ka kryer punën e inspeksionit pas dy vjet britmash në sheshin “Nënë Tereza”.
“Tu e kry punen e inspekcionit mas dy vjet britmash te qmendura dit e nat ne sheshin Nënë Tereza ne Prishtine! Keta kan shefa me mercedesa dhe jan tregu per mbi 2 vite grup me i organizuar se inspekcioni i Prishtines.! Keshtu nuk ka ne sheshin Skenderbeu ne Tirane!”, shkruan Gashi në Facebook.
Mirëpo, ai sot ka larguar këtë postim nga rrjeti i tij social, duke lënë të nënkuptohet se është penduar për gjestin e mbrëmshëm.
Ndërkohë, nuk dihet se çfarë e ka nxitur përplasjen e Gashit me lypsarin, pasi ky i fundit nuk ka dhënë sqarime
