Eric Cantona thotë se Manchester Unitedi luan futboll sikur një burrë i moshuar që bën seks, gjë që të sjellë vetëm zhgënjim në fund.
Skuadra e Ole Gunnar Solskjaer vazhdon të vuajë nga mungesa e vazhdimësisë këtë sezon, pasi renditet në pozitën e tetë në Premierligë pas 18 ndeshjeve, transmeton Gazeta Express.
Unitedi, i cili nuk e ka fituar titullin në ligë që prej pensionimit të trajnerit legjendar Sir alex Ferguson më 2013, ngel plot 24 pikë prapa liderit dhe rivalit të moçëm, Liverpoolit dhe shtatë pikë prapa top katërshes.
“Djajtë e kuq” patën një ecuri pozitive prej gjashtë ndeshjeve pa humbje në të gjitha pgarat, megjithatë, por ajo mori fund nga disfata 2:0 që ia shkaktoi Watfordi të dielën në Vicarage Road.
Solskjaer tha së fundmi se dëshiron që skuadra e tij të jetë e mirë si Liverpooli i Jurgen Klopp dhe se shpreson ta shndërrojë Unitedin në kandidat për titull me stil të futbollit dominues dhe sulmues.
Por legjenda e Unitedit, Cantona, i cili i kaloi pesë vjet në klub dhe i fitoi katër tituj të Premierligës, ndien se kjo skuadër është
larg nivelit të kërkuar për t’i ngazëllyer tifozët dhe për të luftuar për tituj.
“Manchester United zë vend të veçantë në zemrën time. Por ta shohësh Unitedin duke luajtur tani, është goxha si të bësh dashuri si plak. Përpiqesh sa më fort që mundesh, por në fund, të gjithë ndahen të zhgënjyer”, tha Cantona.
Ai shtoi: “Kur them gjëra, më falni, për seksin si plak, nuk po flas për veten. Ishte thjesht metaforë”.
“Manchester United do të rikthehet sepse është klubi më i madh në botë”, theksoi ai.
