Shoqata e Kosovës për Kërkim Shpëtim ka njoftuar se është gjetur i vdekur personi që ishte raportuar i zhdukur në lagjen Velania, shkruan Reporteri.net.
Në njoftim thuhet se trupi i pajetë është lokalizuar nga pjesëtarët e Forcës së Sigurisë së Kosovës (FSK) dhe pjesëtarët e Shoqatës së Kosovës për Kërkim-Shpëtim (SHKKSH), në bashkëpunim të ngushtë me Policinë e Kosovës dhe institucionet tjera relevante.
“Shoqata e Kosovës për Kërkim-Shpëtim shpreh ngushëllime të sinqerta për familjen Jashari dhe falënderon të gjitha ekipet e angazhuara për profesionalizmin dhe përkushtimin në këtë operacion”, thuhet në njoftim.
