Instituti Kombëtar i Shëndetësisë Publike të Kosovëd ka bërë të ditur se sot janë konfirmuar edhe 11 raste të reja me koronavirus, duke çuar kështu në 1 mijë e 158 numrin e personave të infektuar.
Rastet e reja pozitive janë raste kontakti nga komuna e Prizrenit 4 raste (sipas vendbanimit: 2 raste Tupec dhe 2 raste Prizren), komuna e Vushtrrisë 3 raste (sipas vendbanimit: 1 rast Stanovc i epërm, 1 rast Stanovc i poshtëm dhe 1 rast Vushtrri), komuna e Prishtinës 3 raste (sipas vendbanimit: 3 raste Prishtinë) dhe 1 rast me vendbanim në Fushë Kosovë.
Gjithashtu, gjatë ditës së sotme janë shëruar edhe dy pacientë, duke çuar kështu në 876 numrin e përgjithshëm të personave të shëruar.
Aktualisht, në Kosovë janë edhe 312 raste aktive me COVID-19.
Nga COVID-19, në vendin tonë kanë humbur jetën 30 persona, të cilët kishin edhe sëmundje tjera shoqëruese.
