Zelensky i bën ofertë për takim Putinit, por ka një “kusht” për të

Presidenti i Ukrainës, Volodymyr Zelenskyy, ka kërkuar që të takohet personalisht me presidentin rus, Vladimir Putin.

Ai ka thënë se një diskutim direkt me presidentin Putin, do të ishte e vetmja mënyrë për të ndaluar luftën, raporton BBC.

“Ne nuk jemi duke sulmuar Rusinë dhe nuk e kemi një plan të tillë. Çfarë dëshironi nga ne? Lironi vendin tonë”, ka thënë Zelenskyy.

Ai ka kërkuar nga Putin që ta pranojë në takim, ndërsa ka ironizuar edhe me distancën që kishte pasur Putin në takimin me presidentin francez, Emmanuel Macron.

“Ulu me mua, por jo në 30 metra largësi sikurse me presidentin francez”, ka thënë Zelenskyy.