Anëtari i LDK’së, Arban Abrashi ka konfirmuar se pasi paralajmëruan padi ndaj degës së VV’së në Gjermani për disa disa publikime, që sipas tyre ishin të rreme, këta i kanë fshirë postimet, shkruan Gazeta Metro.
Sipas tij, një person nga atje gënjeu se do t’i kthejnë 200 libreza të LDK’së, pasi që nuk janë të kënaqur me këtë parti.
Mirëpo që kur kontaktoi me degën, doli se kjo ishte gënjeshtër dhe paralajmëroi padi.
“Ama, ashtu si frikacak, e fshiu postimin, i cili kishte pëlqime e share me shumicë, nga aktivistët e VV-së. Eh, miq kjo është propaganda e popullizmi, i cili nuk i duhet Kosovës.
Shteti ligjor në Gjermani për merak; duhet edhe këtu”, ka thënë Abrashi përmes një shkrimi në Facebook.
Postimi i plotë:
Sot në funksion të propagandës, ky Shefqeti, gënjeu se kinse 200 libreza të LDK-së do t’i kthejnë si rezultat i paknaqësisë me LDK-në në Prishtine.
Pas kësaj informate, kontaktova degën e LDK-së në Gjermani. Pasi vërtetuam se në Magdeburg nuk kemi nëndegë, pasi librezat ishin të falsifikuara, pasi personi ne fjalë kishte bërë paraqitje të rrejshme, e kontaktuam dhe filluam përgatitjet për padi.
Ama, ashtu si frikacak, e fshiu postimin, i cili kishte pëlqime e share me shumicë, nga aktivistët e VV-së. Eh, miq kjo është propaganda e popullizmi, i cili nuk i duhet Kosovës.
Shteti ligjor në Gjermani për merak; duhet edhe këtu!
