Sipas të dhënave preliminare të Komisionit Qendror të Zgjedhjeve, për zgjedhjet parlamentare të mbajtura më 14 shkurt 2021, Lëvizja Vetëvendosje e udhëhequr nga Albin Kurti, fitoi rreth 48 për qind, pasuar nga Partia Demokratike e Kosovës me 17.35 për qind.
Njohësi i Kushtetues dhe çështjeve juridike në vend, Mazllum Baraliu ka thënë se rruga deri në formimin e institucioneve kosovare fillon tek pas përfundimit të numërimit të të gjitha votave.
“Së pari duhet të shpallen rezultatet përfundimtare të zgjedhjeve të 14 shkurtit, ku duhet të numërohen edhe votat me kusht dhe ato të diasporës. Më pastaj pas procedurave nga KQZ, PZAP dhe Gjykata Supreme duhet të certifikohen rezultatet dhe numërohen ato për deputetë. Caktohet seanca konstituive e Kuvendit dhe bëhet verifikimi i tij, teksa zgjidhet kryesia dhe kryetari. Pas kësaj i hapet rruga mandatimit të formimit të Qeverisë”, ka thënë ai.
“Në këtë rast, ne kemi edhe një situatë të veçantë për zgjedhjen e presidentit. Do të duhet që përgatitjet për procedimin për këtë çështje brenda afatit kohor, gjegjësisht deri më 5-6 maj”, është shprehur ai.
Sipas të dhënave preliminare të Komisionit Qendror të Zgjedhjeve, për zgjedhjet parlamentare të mbajtura më 14 shkurt 2021, Lëvizja Vetëvendosje e udhëhequr nga Albin Kurti, fitoi rreth 48 për qind, pasuar nga Partia Demokratike e Kosovës me 17.35 për qind.
E treta është radhitur Lidhja Demokratike e Kosovës me 13.18 për qind dhe në vendin e katërt është Aleanca për Ardhmërinë e Kosovës me 7.42 për qind.
