Në një intervistë për të përditshmen gjermane Bild, presidenti i Serbisë Aleksandar Vuçiq, deklaroi se është e nevojshme gjetja e një kompromisi për Kosovën.
Ai tha se janë duke punuar shumë për këtë dhe se bazuar në atë që ai sheh sot, veçanërisht pasi presidenti i ri i SHBA-së, Joe Biden, mori detyrën, do të ketë sërish presion vetëm mbi Serbinë.
Vuçiq iu përgjigj deklaratës se Serbia mund të bashkohet me BE-në vetëm “së bashku me shtetin fqinj të Kosovës”, të cilën ai nuk e njeh.
“Është çështje e vizionit dhe gjendjes së BE-së. Ne e shohim atë ndryshe. Po, dhe ne duhet të gjejmë një kompromis me Prishtinën dhe të punojmë shumë për të. Për Madridin, Athinën, Nikozinë, Bratislavën, nuk është gjithashtu e qartë, ata nuk e njohin Prishtinën”, ka thënë ai.
I pyetur se si mund të duket ai kompromis, Vuçiq tha se ai ishte i shqetësuar, pasi, sipas asaj që ai sheh sot dhe veçanërisht pas inaugurimit të presidentit të SHBA-së Joe Biden, do të ketë presion vetëm mbi Serbinë.
“Thjesht më ra në sy atëherë. Nëse duam të ruajmë paqen, nëse duam që më shumë investitorë të vijnë nga Gjermania, atëherë kemi nevojë për zgjidhje të qëndrueshme. Unë nuk besoj në konflikte të ngrira, ndryshe nga shumica e njerëzve këtu, sepse gjithmonë ekziston rreziku që një ditë dikush të vijë dhe t’i heq ato”, tha ai.
