Me vendim unanim të Kuvendit të Qytetit serb Pirot, presidenti i Serbisë, Aleksandar Vuçiq, është shpallur person i padëshiruar në territorin e këtij qyteti.
Në Kuvendin e mbajtur më 19 mars, njëzëri u vendos që të kërkohet nga Kuvendi i qytetit të Pirotit, si dhe nga kryetari Vladan Vasiq, që të shprehin qëndrimin e tyre për dhunën e ushtruar ndaj studentëve dhe qytetarëve gjatë protestës “15 minuta për 15 jetë të humbura” të mbajtur në Beograd më 15 mars, shkruan Nova.
Ata po ashtu kërkojnë që opinioni i banorëve të atij qyteti të informohet nëse kanë dhënë ndonjë mbështetje apo ndihmë për studentët pirotas të lënduar me atë rast.
Ata kërkojnë edhe emrat dhe mbiemrat e zyrtarëve nga ky qytet, që qëndruan në kampin e regjimit për “studentët që duan të mësojnë”.
Për të gjitha vendimet që kanë marrë më 19 mars, në Kuvendin e fundit të mbajtur më 24 mars, është vendosur që presidenti Aleksandër Vuçiq të shpallet “persona non grata” në territorin e qytetit të Pirotit.
Ky është rasti i parë ku një qytet në Serbi ndërmerr një hap të tillë ndaj Vuçiqit.
