Presidenti i Serbisë, Aleksandar Vuçiq ka deklaruar se nuk do të shkojë në Uashington me flamur të bardhë siç është sugjeruar nga shumëkush në Perëndim, Kosovë, por edhe disa nga Beogradi.
Ai gjatë një interviste me “Novosti” ka diskutuar për zhvillimet e fundit dhe ftesën nga SHBA-të për takim me palën kosovare më 27 qershor në Shtëpinë e Bardhë.
“Nuk jam prej atyre që bëjnë slogane heroike, por askush që është pjesë e delegacionit të Serbisë, nuk do të bartë flamurin e bardhë, kjo është e pakuptimtë”, deklaroi Vuçiq, transmeton lajmi.net.
“Ne kemi flamurin tonë dhe e bartim në zemër, do ta kemi para vetes. Në të kaluarën kishte flamuj të bardhë ne emër të Serbisë në shumë raste, derisa në fillim ishim brohoritur slogane heroike. Gjërat maten me vepra dhe jo me fjalët që i flisni. Kjo është e rëndësishme për ne, nuk mund të refuzoni një thirrje nga Shtëpia e Bardhë, por …”, shtoi ai.
Vuçiq, deklaroi se ai nuk ishte në gjendje të kuptonte propozimin e Shteteve të Bashkuara të Amerikës, porse e kupton cili mund të jetë propozimi i Bashkimit Evropian.
“Unë mendoj se ideja e tyre tani është që të na tregojnë se ne nuk e kundërshtojmë anëtarësimin e Kosovës në Kombet e Bashkuara, por ata nuk dinë çfarë të na ofrojnë. Pra, ne nuk kemi pse ta njohim zyrtarisht Kosovën, por le të mos i kundërshtojmë ata të marrin një vend në KB”, tha Vuçiq, transmeton lajmi.net.
“Unë pres”, vazhdoi Vuçiq, se Evropa do të thotë se “ne do të anëtarësohemi (BE) brenda disa viteve dhe atëherë ne nuk jemi në një situatë të lehtë, por kjo nuk është e mjaftueshme”.“Serbisë duhet t’i ofrohet shumë më tepër,” shtoi ai.
Në përfundimin se Presidenti i Kosovës Hashim Thaçi përsëriti kërkesën e tij që qëllimi i marrëveshjes është njohja e ndërsjellë, Vuçiq kujtoi se “Donald Trump gjithashtu ka postuar në Twitter me rastin e apelit të ndërsjellë”.
“Ai foli për këtë në një letër dërguar meje dhe Thaçit, e cila është shumë më e rëndësishme. Unë nuk mendoj se Amerika do ta ndryshojë qëndrimin e saj dhe as Gjermania dhe Franca nuk do të bashkohen me të. Por, a do të pajtohemi dhe do t’i themi Thaçit – mirë, keni gjithçka, gjithçka mund të them – nuk do të jetë kështu “, tha Vuçiq.
