Janë vrarë punonjës të Ambasadës së Izraelit në Washington.
Ngjarja e rëndë sipas mediave ndërkombëtare ka ndodhur mbrëmjen e së mërkurës, pranë Muzeut Hebraik të Kryeqytetit – vetëm pak hapa larg një zyre të FBI-së.
Lidhur me rastin ka reaguar edhe Ambasadori izraelit në OKB, Danny Danon, i cili këtë sulm e cilësoi si “një akt të çoroditur terrorizmi antisemit”.
“Jemi të bindur se autoritetet amerikane do të ndërmarrin veprime të forta kundër atyre që janë përgjegjës për këtë akt kriminal”, shkroi ai në X.
Hetuesit ende nuk e kanë përcaktuar një motiv të mundshëm për të shtënat në këtë fazë.
Shefja e policisë në Washington D.C., Pamela Smith, ka deklaruar në një konferencë për shtyp se një i dyshuar lidhur me rastin është arrestuar dhe tani gjendet në paraburgim.
Sipas saj, i dyshuar kishte bërtitur “liri, Palestinë e lirë”.
Ai u pa duke ecur para dhe mbrapa jashtë muzeut para sulmit – duke iu afruar një grupi prej katër personash, duke nxjerrë një pistoletë dhe duke qëlluar.
