Vëllai i Kristinës dhe Zhanetës që raportohet se u vranë nga Përparim Ademi në 31 dhjetor në Tiranë thotë se dy motrat kanë lindur mbi 10 fëmijë që më pas janë shitur në Greqi.
Sipas Bashkim Metanit, kishte një avokat që ndërmjetësonte shitblerjen e fëmijëve. Ai thotë se motrat i treguan pak kohë para se të vdisnin. Ai thotë se nuk bëri denoncim sepse “motrat insistonin për shkak të frikës”, raporton Tch.
Vrasja ndodhi në 31 dhjetor, pikërisht në katin e tretë të këtij pallati, në zonën e Astirit. Viktimat janë Kristina Bardhi dhe Zhaneta Metani.
