Vjosa Osmani, kandidatja për presidente nga koalicioni i iniciativës qytetare ‘Guxo’ dhe Vetëvendosje, ia ka siguruar kësaj të fundit afro 73.7 për qind të votave.
Nga lista e siguruar nga mediumi lokal ‘Mitropol’, Vjosa Osmani arriti të marrë 14,628 vota nga 19,835 sa kishte gjithsej Vetëvendosja në këtë komunë.
Në zgjedhjet e kaluara parlamentare, Vetëvendosja arriti t’i marrë 10,527 vota të rregullta. Kësisoj, ky subjekt pësoi rritje gati 90 për qind në këtë komunë.
Ndërkaq, nga kandidatët për deputetë prej kësaj komune, vota të mjaftueshme për mandatin e deputetit në Kuvendin e Kosovës kanë arritur të marrin Arjeta Fejza dhe Armend Muja.
Muja arriti të marrë më shumë vota (9107) sesa kandidati tjetër për deputet, Glauk Konjufca (7993).
