Të dielën në Viti u hap Manifestimi tradicional Kulturor e Sportiv “Flakadani i Karadakut 2021”
Në Viti është hapur sonte edicioni i 20-të me radhë i Manifestimit tradicional Kulturor e Sportiv Flakadani i Karadakut 2021, që mbahet në përkujtim të veprës së dëshmorit të kombit Nijazi Azemi-“Komandant Mjekra”.
Ky manifestim 6 ditor që po mbahet në Viti në përkujdesjen e Kryetarit Haliti dhe nën organizimin e Drejtorisë për Kulturë, Rini dhe Sport në Viti, do të karakterizohet me aktivitete kulturore e sportive, ku marrin pjesë artistë, poet, sportistë e grupe kulturore nga të gjitha viset shqiptare.
Ndezja e Flakadanit u bë nga Kosovare Azemi, vajza e dëshmorit Nijazi Azemi e shoqëruar edhe nga dy persona të veshur me uniformë ushtarake.
Këtë manifestim të hapur e ka shpallur zv.kryetari i komunës së Vitisë Hasan Aliu i cili bëri me dije se ky manifestim personifikon figurën e dëshmorit Nijazi Azemi i njohur si “komandant Mjekrra”.
Ndërsa për aktivitete që do të zhvillohen gjatë këtyre ditëve të pranishmi i njoftoj Milot Lala, Drejtor për Kulturë, Rini dhe Sport në Viti kurse një fjalë rasti ka mbajtur edhe Abdyl Bajrami, përfaqësues i Organizatës së Veteranëve të Luftës së UÇK-së në Viti.
Kurse gjatë ditës së diell janë shënuar edhe këto aktivitete: shtegtimi me motoçikleta, ekspozita me eksponante të Nijazi Azemit “Komandant Mjekra” si dhe aktivitetet sportive në Pingpong, futboll të vogël dhe shah.
Kurse nesër në ora 16:00 në Shtëpinë e Kulturës “Gursel e Bajram Sylejmani” në Viti pritet të mbahet edhe ora e madhe letrare. Ndërkaq Festivali i Ansambleve dhe Shoqërive Kulturore dhe Artistike do të zhvillohet nga data: 24.03.2021 deri 26.03.2021 në formë virtuale.
