Me dinamikë të shtuar po realizohen projekte të shumta në lokalitet e ndryshme të komunës së Vitisë
Komuna e Vitisë gjatë këtyre ditëve me një dinamikë të përshpejtuar po vazhdon me realizimin e projekteve të ndryshme në interes të qytetarëve. Shkruan Telegramisot.com
Me këtë rast Kryetari i Komunës së Vitisë, Sokol Haliti me bashkëpunëtor ka vizituar dje disa vend punishte në fshatrat Tërstenik dhe Sllatinë të Epërme.
Në fshatin Sllatinë të Epërme, dje u asfaltuan 4 degëzimet e rrugës “ Hamit Lulleci” ku me këtë rast Kryetari Haliti i shoqëruar nga Kryetari i këtij fshati, Daut Drugzani, kanë bashkëbiseduar me banorët lidhur me këtë projekt infrastrukturor i cili është mirëpritur nga ta.
Gjithashtu Kryetari i Komunës së Vitisë, Sokol Haliti ka vizituar punimet në ambulanten e këtij fshati i cili pritet të funksionalizimet së shpejti.
Përndryshe gjatë ditës së djeshme kryetari Haliti me bashkëpunëtor ka vizituar edhe fshatin Tërstenik ku pos që po zhvillohen punimet parapërgatitore për asfaltimin e rrugës Tërstenik-Komogllavë janë asfaltuar edhe disa rrugët “Behxhet Mirashi”, “ Beqir Kurti” dhe rruga e lagjes Tërsteniku.
