Një 20 vjeçare nga fshati Gllogjan i Deçanit është gjetur e vdekur mëngjesin e sotëm.
Reporteri.net merr vesh se e reja nga Gllogjani ka bërë vetëvrasje.
Rastin e rëndë për Reporteri.net e kanë konfirmuar Policia dhe Prokuroria e Pejës.
Fadil Gashi zëdhënës i policisë për rajonin e Pejës ka thënë se një femër e moshës 20 vjeçare është gjetur sot e vdekur dhe trupi i saj është dërguar për obduksion.
“Në mëngjesin e sotëm Policia Rajonale e Pejës ka gjetur një trup të pajetë në fshatin Gllogjan të Deçanit. Viktima është e gjinisë femërore dhe me urdhër të prokurorit trupi i pajetë është dërguar në obduksion”, tha Gashi për Reporteri.net.
Ai tha se janë duke vazhduar hetimet lidhur me këtë rast.
Kurse zëdhënësi i Prokurorisë Themelore në Pejë, Shkodran Nikçi, poashtu e konfirmoi për Reporteri.net rastin e rëndë.
“Po, pasi që e kemi pranuar informatën në Prokurorinë Themelore e Pejës, përkatësisht departamenti për krime të rënda, prokurori kujdesar së bashku me njësitë kompetente kanë dalë në vendin e ngjarje. Bëhet fjalë për një trup të pa jetë të gjinisë femërore, rreth 20. E njëjta, me vendim të prokurorit të Shtetit është dërguar ne INsittuitin e Mjekesise ligkjore për obduksion. Hetimet do të vazhdojnë deri në zbardhjen e rastit”, tha Nikçi.
