Nga Lëvizja Vetëvendosje kanë folur pas vendimit të marrë në mbledhjen e KQZ-së që në listat në broshura të largohen kandidatët që nuk janë certifikuar dhe të mos lihen hapësira.
Sipas broshurës së publikuar nga KQZ në krye të listës së Vetëvendosjes është Vjosa Osmani, që mban numrin dy.
Por nga Lëvizja Vetëvendosje kanë thënë për se listës së kësaj partie i prin Albin Kurti.
“Listës sonë i prin Albin Kurti. Kurti do të jetë i pari”, thuhet në përgjigjen e tyre për Mediat.
Bartësi i listës së LVV-së, Albin Kurti, nuk është certifikuar, për shkak të një dënimi që e ka nga gjykata në tri vitet e fundit.
Në broshurën e publikuar nga KQZ, lista e Vetëvendosjes fillon me numrin 2 të Vjosa Osmanit.
Nga stafi i u.d. Presidentit kanë thënë për Telegramin se Osmani nuk do t’i prijë listës së LVV-së për zgjedhjet e 14 shkurtit.
Gazeta Telegrami Sot ka pyetur edhe Komisionin Qendror të Zgjedhjeve se a konsiderohet i vlefshëm fletëvotimi nëse nuk ka kandidat me numrin 1, por që nuk ka marrë përgjigje deri në momentin e publikimit të këtij artikulli.
