Lideri i PDK-së, Kadri Veseli, në profilin e tij në Facebook, ka postuar një video të ish-presidentit francez, Jacques Chirac të vitit 1999.
Në këtë video, Chirac i drejtohet popullit francez, duke arsyetuar intervenimin e NATO-s, si pjesë e fushatës së Perëndimit për të parandaluar masakrat dhe spastrimin etnik.
“Në kujtim të mikut të Kosovës, ish-presidentit francez Jacques Chirac, i cili sot ndërroi jetë në moshën 86 vjeçare”, ka shkruar Veseli në profilin e tij në Facebook, duke vendosur edhe videon në të cilin Chirac i drejtohet popullit francez më 1999.
