Ministri i Shëndetësisë, Arben Vitia, ka njoftuar se nga nesër do heqen masat kufizuese derisa ora policore do mbetet nga ora 22:30 deri në 05:00 të mëngjesit, shkruan Gazeta Metro.
Vitia njoftoi se ora policore do filloj nga ora 22:30 deri në ora 05:00 të mëngjesit, duke shtyer kështu për gjysmë orë më shumë lëvizjen, pasi para këtyre masave ishte deri në ora 22:00.
Tutje, ai shtoi se nga e hëna (19 prill 2021), institucionet publike dhe private të arsimit të vazhdojnë aktivitetin e tyre në mënyrë të rregullt sipas udhëzuesit të përkohshëm për aplikimin a masave për parandalimin dhe luftimin e COVID – 19 në institucionet e arsimit të të gjitha niveleve;
Shërbimet e gastronomisë të lejohen të zhvillojnë aktivitetin e tyre në përputhje me udhëzuesin e përkohshëm për aplikimin a masave për parandalimin dhe luftimin e COVID – 19 në sektorin e gastronomisë, përmes së cilit vendosën masa për respektimin e distancës në mes të tavolinave dhe përcaktimit të numrit maksimal të personave të lejuar për metër katror;
Qendrat tregtare të zhvillojnë veprimtarinë duke respektuar me përpikëri masat sipas udhëzuesit të veçantë për qendrat tregtare.
