Pas aksionit të mbrëmshem të Policisë së Kosovës në fshatin Karaçevë të Kamenices ku u arrestuan 33 persona, 10 prej të cilëve pjesëtarë të Policisë së Kosovës, vendi është shndërruar në gërmadha.
Një ditë pas në vendin ku për një kohë të gjate lulëzoi krimi i organizuar sot kanë mbetur vetëm rrënojat.
Objektet e kazinove mbrëmë janë shkatërruar me eskavatorë.
Ndryshe, Policia e Kosovës ka njoftuar se operacioni i mbrëmshëm në Karaçevë ka filluar si rezultat i një hetimi gati njëvjeçar të udhëhequr nga Prokuroria Themelore në Gjilan, lidhur me pretendimet për veprimtari të paligjshme, përfshirë bixhozin e paligjshëm, trafikimin me njerëz, trafikimin me armë, trafikimin me narkotikë, kontrabandimin e mallrave dhe aktivitete tjera kriminale.
Gazeta Online “Reporteri.net” iu sjellë pamje një ditë pas aksionit të Policisë.
