Veliu viziton institucionet e sigurisë, thotë se Policia e Kosovës duhet të jetë institucion i besueshëm
Ministri i Punëve të Brendshme dhe i Administratës Publike, Agim Veliu, gjatë ditës së sotme takoi zyrtarë të institucioneve të sigurisë në vend.
Veliu fillimisht u takua me Drejtorin e Përgjithshëm të Policisë, Rashit Qalaj, të cilit i shkoi për vizitë në Drejtorinë e Policisë.
Dyshja zhvilluan bisedë për rreth një orë, ndërsa media nuk janë lejuar të marrin pjesë në takim.
Më pas Ministri Veliu vizitoi Kampin “Vrella”, ku gjendet baza e Njësisë Speciale të Policisë së Kosovës.
