Është sulmuar mbrëmë nga ujqit, kopeja e deleve të fermerit Ramë Mujaj nga Strellci i Epërm. Sipas tij, ujku ka mbytur së paku 12 dele.
“Është hera e parë që sulmohet në masë kaq të madhe kopeja e deleve në këto anë, është edhe trishtueshëm”, ka treguar pronari i kësaj fermeje.
Ai dyshon se nuk ka qenë vetëm një ujk që mbyti delet.
Drejtori e Bujqësisë bashkë më inspektorin komunal kanë dalë sot në vendin e ngjarjes dhe kanë konstatuar se kjo kope është sulmuar nga ujku.
Mujaj ka tërhequr vërejtjen fermerëve tjerë që të kenë kujdes me kafshët që kullosin sepse ujku tashmë e ka të njohur ketë terren dhe mund t’i sulmojë edhe kopetë tjera që ka ky fshat.
