Një person është gjetur pa shenja jete në fshatin Skoqan të Vushtrrisë. I njëjti ishe raportuar si i zhdukur që nga data 9 shkurt e këtij viti.
Lajmin e ka bërë të ditur Policia e Kosovës për rajonin e Mitrovicës.
“Në orët e pasdites së sotme Policia në Vushtrri ka pranuar informacion nga ana e një qytetari mashkull kosovar i cili ka informuar se në një zonë malore në fshatin Skoqan të Vushtrrisë, kishte hasur në një person të shtrirë. Njësitë relevante dhe ekipi mjekësor kanë dalë në vendin e ngjarjes ku është konstatuar vdekja e viktimës dhe është identifikuar nga familjarët trupi i pajetë. Viktima D. S., 56 vjeçar, që nga data 09.02.2021 ishte i raportuar si person i zhdukur në Stacionin Policor në Vushtrri”, thuhet në përgjigjen e Policisë.
