Sot në Shqipëri është arrestuar edhe një i dyshuar lidhur me laboratorin e drogës që u zbulua para disa muajsh në Pejë.
Kjo u konfirmua për Klankosova.tv nga zëvendëskryeprokurori i Pejës, Ersan Qavolli.
“Po, është arrestuar edhe një i dyshuar lidhur me rastin që unë e kam në hetim. E kemi parashtruar edhe kërkesën për ekstradim dhe jemi në pritje të konfirmimit”
Lidhur me rastin të arrestuar aktualisht janë edhe dy persona të tjerë, ndaj të cilëve është kërkuar caktimi i masës së paraburgimit.
Vlera e drogës së kapur thuhet se është 5 milionë euro.
