Babis Anagnostopoulos, burri vrasës i 20-vjeçares Caroline në Greqi e kaloi natën e tij të parë në burg i qetë.
Ai është burgosur paraprakisht në burgun e famshëm grek, Korydallos, pas vendimit të djeshëm të trupës gjykuese.
Mediat fqinje raportojnë se 33-vjeçari hyri në qelinë e tij rreth orës 21.30 dhe nuk kërkoi asgjë.
Sot, ai ka pasur një takim me drejtoreshën e burgut, në mënyrë që ajo të formojë një imazh të parë të të burgosurit të ri. Piloti 33-vjeçar po mbahet në një zonë të veçantë në të cilën ndodhen edhe të burgosurit e tjerë, të njohur për opinionin publik grek, pasi autoritetet kanë shprehur frikën për sigurinë e tij fizike.
Sipas informacionit, zona 6-të, ku po qëndron Babis që konsiderohet si “VIP”, përveç e qetë është edhe e sigurisë më të lartë.
