Presidenti amerikan Donald Trump ka shpërthyer sërish me gjuhë të ashpër dhe të papërshtatshme në një fjalim 90-minutësh, duke u tallur me liderët botërorë dhe duke pretenduar se ata janë të dëshpëruar për të negociuar tarifat tregtare me SHBA-në.
“Po ma puthin b***ën time për t’i ulur tarifat,” u shpreh Trump në darkën vjetore të Komitetit Kombëtar Republikan të Kongresit në Uashington, DC, një ngjarje që kishte për qëllim mbledhjen e fondeve nga donatorët politikë.
Deklarata e tij erdhi vetëm pak orë para hyrjes në fuqi të tarifave të reja ndaj dhjetëra shteteve, përfshirë një taksë drastike prej 104% për importet kineze.
“Këto vende po na thërrasin, duke u lutur për marrëveshje. Ata po vdesin për të bërë një marrëveshje,” tha Trump me arrogancë.
Madje, në një moment ai u tall me tonin e liderëve të huaj, duke imituar me ironi zërin e tyre:
“Ju lutem, zotëri, bëni një marrëveshje. Unë do të bëj gjithçka, zotëri.”
Fjalimi i Trump ngjalli reagime të përziera, si brenda SHBA-së, ashtu edhe në nivel ndërkombëtar, duke shtuar edhe më tej tensionet rreth politikave të tij tregtare agresive dhe stilit të tij të pazakontë të komunikimit.
