Humbja 8-2 nga Bayern Munich në Ligën e Kampionëve ka lëkundur Barcelonën që synon të bëjë shumë ndryshime.
Natyrisht, Lionel Messi është i paprekshëm, por vet futbollisti sipas mediave nuk është i sigurt nëse do të vazhdojë ta veshë fanellën e Barcelonës.
Madje, sipas gazetarit të Esporte Interativo dhe Rádio Itatiaia, Marcelo Bechler, 33-vjeçari tashmë e ka njoftuar klubin se i ka ardhur fundi aventurës së mrekullueshme me klubin e jetës.
“Messi dëshiron të largohet tani nga Barcelona, jo më 2021 – e ka njoftuar për këtë tashmë edhe klubin”, thotë ndër të tjera Marcelo.
Interi ka kohë që raportohet se do të bënte blerjen më të madhe në histori pa u menduar dy herë, derisa së fundmi janë rritur zërat edhe për një interesim të mundshëm të Manchester City.
