Autorët e masakrës me 3 të vrarë dhe 1 të plagosur në Shkodër pasditen e djeshme mund të jenë vrasës me pagesë nga Mali i Zi. Këto janë dyshimet e që ka grupi hetimor i Policisë së Shkodrës dhe policisë kriminale.
Gjithashtu rezulton se makina e viktimave ka hyrë hyrë në vendin tonë po ashtu nga Mali i Zi gjatë ditëve të fundit.
Automjeti ka hyrë edhe gjatë ditës së djeshme nga pika kufitare e Hanit të Hotit dhe nuk përjashtohet mundësia që dikush të ketë lajmëruar autorët.
Gjatë ditës së mërkurë, makina është parë duke kaluar disa herë në zonën e Dobraçit në unazën e Shkodrës.
Hetuesit kanë sekuestruar më shumë se 35 gëzhoja në vendngjarje. Makina e djegur e autorëve, deri tani nuk ka prodhuar asnjë të dhënë për grupin hetimor, pasi numri i shasisë është dëmtuar nga zjarri, megjithatë është dërguar për ekspertim me shpresën se mund të zbulohet.
