Pas sulmit të përgjakshëm terrorist në mes të qytetit të Vjenës të hënën në mbrëmje, i dyshuari kryesor, i cili me sa duket kishte njoftuar aktin në internet, tani është identifikuar.
Sipas mediave austriake i dyshuari është një 20-vjeçar nga Maqedonia e Veriut me shtetësi austriake, transmeton Reporteri.
Fejzullahi bashkëpunonte edhe me të dyshuar të tjerë dhe disa prej tyre tashmë janë arrestuar.
Në arrestimin e tyre raportohet se ka marrë pjesë edhe tre policë nga Kosova.
Këtë e ka bërë të ditur kryediplomatja kosovare Meliza Haradinaj.
Ajo në një konferencë të përbashkët me ministrin e punëve të Jashtme të Gjermanisë, Heiko Mass, ka thënë se tre prej efektivëve të policisë që iu përgjigjën sulmeve të mbrëmshme ishin shqiptar[, shtetas të Kosovës.
“Tre prej efektivëve të policisë që iu përgjigjën sulmeve të mbrëmshme ishin shqiptarë, shtetas të Kosovës, të cilët jetojnë të mirëintegruar në Vienë dhe punojnë e luftojnë krahas qytetarëve austriakë për të mbrojtur vlerat dhe qëllimet që ne ndajmë me popullin austriak.
Le të reflektojmë mbi këtë deshmi të mirë integrimit të qytetarëve tanë dhe faktit se Kosova qëndron përkrah aleatëve tanë në luftën kundër ISIS dhe terrorizmit” ka thënë Haradinaj-Stublla në konferencë.
